ഇന്നലെ ചെയ്തോരകര്‍മ്മം - ചീത ( സീത ) - ( ചേറുശ്ശേരി അനിയന്‍ വാരിയര്‍ )
രാധയും കൃഷ്ണനും
തൊട്ടയല്‍പക്കത്തെ
കാമുകീ - കാമുകര്‍
ആരും അറിഞ്ഞില്ല
അവര്‍പോലും !
നിത്യവും കാണുന്ന
കണ്ടില്ലാ നടിക്കുന്ന
കാണാതിരിക്കാന്‍
കഷ്ടപ്പെടുന്നവര്‍ !
ഇഷ്ടമല്ല ഇഷ്ടമില്ല്ല
വീണ്ടും വീണ്ടും പറഞ്ഞു ...
ഇഷ്ടക്കേടിന്നുച്ചിയില്‍
ഒരിഷ്ടക്കേടവര്‍ കാട്ടി .
ഇഷ്ടക്കുരു കുരുത്തൂ ...
ഉള്ളിന്‍റുള്ളില്‍ കൊളുത്തി
മോഹ-ദാഹങ്ങള്‍ ചേര്‍ന്ന്‍
മെല്ലെ മെല്ലെ വളര്‍ന്നു !.
ആദ്യമാസമവള്‍ പകച്ചു
രണ്ടാം മാസത്തിലും
ഇല്ലെന്നായപ്പോളവര്‍
ആശങ്ക പങ്കുവെച്ചു ...
മൂന്നിന്‍ തുടക്കത്തിലവര്‍
ആഫീസില്‍ പോയൊപ്പിട്ട്
മാലയും ബൊക്കെയൂമായ്
വീട്ടിലേക്കു മടക്കം !
നാട്ടാര്‍ക്കും കൂട്ടുകാര്‍ക്കും
അത്ഭുതം ... പരിഭവം
വീട്ടുകാര്‍ ഒന്നും കാട്ടിയില്ല
വിളക്കുമായ് വീടിന്റെ
ഉള്ളിലേക്കാനയിച്ചു ...
ദീര്‍ഘസുമംഗലീ ഭവ
മൂന്നാം മാസത്തില്‍
ആറിന്‍മുഴപ്പ് വയറിന്:
' ഇങ്ങിനെ വലുതായാല്‍
പ്രസവം കട്ടിയാകുമേ '
പതിച്ചി കളിയാക്കി .
ഏഴാം മാസമായതും
പെണ്ണിന്നുദരവേദന
' കുഞ്ഞിനു ധൃതിയായി
ചാപിള്ള ...യാകുമോ ? '
പതിച്ചിയുടെ ആശങ്ക
" നിങ്ങ വെള്ളമനത്ത് "
പെറ്റുവീണതോ നല്ലൊരു
കൊഴുത്തുരുണ്ട കണ്മണി
" പട്ടണമല്ലിത് , കുഞ്ഞിപ്പെണ്ണേ
നാട്ടിന്‍പുറത്തിതു പ്രശ്നമാകും ;
മോളക്കും മോളുടെ സന്തതിക്കും
എഴില്‍പിറന്നവളെന്ന ദോഷം
മാച്ചാലും മായാത്ത പേരുദോഷം ! "
അമ്മയും നാടന്‍പതിച്ചിയമായ്
ഉന്നതചര്‍ച്ചക്കൊടുവിലായി ...
" ഗര്‍ഭംകലങ്ങി അലസിയെന്നു
നമ്മള്‍ക്കുരച്ചിടാം, തമ്പുരാട്ടീ "
പെട്ടെന്നുതന്നെയവരതിന്റെ
വായയും മൂക്കും പൊത്തി ...
.............................. ......
സീതായനത്തിലെ സീതപോലെ
അവള്‍ ചീതായനത്തിലെ ചീതയായി
- - - - - - o - - - - -- -
Comments
Our Sponsor
1 USD=
Warning: file_get_contents(https://www.google.com/finance/converter?a=1&from=USD&to=INR): failed to open stream: HTTP request failed! HTTP/1.0 404 Not Found
in /home/joyche5/public_html/adv-sidebar.php on line 211
0 INR
