വൈറ്റ് പ്ലെയിന്‍സ്, ന്യൂയോര്‍ക്ക്: കറുത്തവാവിനു ചന്ദ്രന്‍ അല്‍പനേരം മറഞ്ഞാലും വീണ്ടും പൂര്‍വ്വാധികം തിളക്കത്തോടെ മടങ്ങി വരുമെന്നതു പോലെ കോണ്‍ഗ്രസ് പാര്‍ട്ടിയും തിരിച്ചു വരുമെന്നു കെ.പി.സി.സി വൈസ് പ്രസിഡന്റ് അഡ്വ. ലാലി വിന്‍സെന്റ്. ഘടകകക്ഷികളില്‍ പലതും ശരിയായ പ്രവര്‍ത്തനം നടത്താതിരുന്നതു കോണ്‍ഗ്രസിനു വിനയായി. എന്നാല്‍ ഇതൊരു താത്കാലിക പ്രതിഭാസമാണെന്നും കോണ്‍ഗ്രസ് ആശയങ്ങളില്‍ വിശ്വസിക്കുന്നവര്‍ നിരാശരാകേണ്ടതില്ലെന്നും അവര്‍ പറഞ്ഞു. ഐ.എന്‍.ഒ.സി കേരളാ ചാപ്റ്റര്‍ സംഘടിപ്പിച്ച റിപ്പബ്ലിക് ദിനാഘോഷത്തില്‍ മുഖ്യാതിഥിയായി പ്രസംഗിക്കുകയായിരുന്നു അവര്‍.
ഇന്ത്യയ്ക്ക് സ്വാതന്ത്ര്യം കിട്ടിയപ്പോള്‍ രാജ്യം തീര്‍ത്തും ദരിദ്രമായ അവസ്ഥയിലായിരുന്നു. 33 കോടി ജനതയ്ക്ക് ഭക്ഷണവും തൊഴിലുമൊക്കെ കണ്ടെത്തേണ്ട ദൗത്യമാണ് നെഹ്‌റുവിന്റെ നേതൃത്വത്തില്‍ കോണ്‍ഗ്രസ് ഏറ്റെടുത്തത്. വൈവിധ്യങ്ങളും വൈജാത്യങ്ങളും ഭിന്നതകളും നിറഞ്ഞ രാജ്യത്തെ ഒറ്റക്കെട്ടായി നയിക്കുക എന്ന ദുഷ്കരമായ ചുമതല കോണ്‍ഗ്രസ് സധൈര്യം ഏറ്റെടുത്തു. ഭിന്നതകളല്ല ഇന്ത്യക്കാരന്‍
ഭരണഘടന "വി ദി പീപ്പിള്‍' എന്ന് തുടക്കംകുറിച്ചപ്പോള്‍ അതില്‍ ഇന്ത്യക്കാരന്‍ എന്നൊരു ആശയമേ ഉണ്ടായിരുന്നുള്ളൂ. മതമുള്ളവര്‍ക്കും മതമില്ലാത്തവര്‍ക്കും സ്വാതന്ത്ര്യം; ഇഷ്ടമുള്ള ഭക്ഷണം കഴിക്കാനുള്ള സ്വാതന്ത്ര്യം; ജനങ്ങളുടെ തന്നെ ഭരണം- ഇവയെല്ലാം ഉറപ്പു നല്‍കിക്കൊണ്ടാണ് ഇന്ത്യ റിപ്പബ്ലിക്കായത്.
അമ്പത്തഞ്ചു വര്‍ഷം കോണ്‍ഗ്രസ് ഇന്ത്യ ഭരിച്ചു. പാല്‍പൊടിക്കും ഗോതമ്പിനുമൊക്കെ അമേരിക്കയുടേയും മറ്റും കൈനീട്ടിയ ഇന്ത്യ സാമ്പത്തിക ശക്തിയായി. ഇന്ത്യക്കാരുടെ ജീവിതനിലവാരം ഉയര്‍ന്നു. സ്ത്രീകളുടെ അവസ്ഥ മെച്ചപ്പെട്ടു. പുതിയ അവസരങ്ങള്‍ അവര്‍ക്ക് കൈവന്നു. സാമ്പത്തിക വളര്‍ച്ചയ്‌ക്കൊപ്പം സാമൂഹിക നീതിയും ഉറപ്പാക്കി. ഈ നേട്ടങ്ങളാണ് ചിലര്‍ മറന്നുപോകുന്നത്.
ഇന്ത്യയ്ക്ക് സ്വാതന്ത്ര്യം നേടിത്തരുകയും ഇന്ത്യയെ ഈ നിലയിലേക്ക് എത്തിക്കുകയും ചെയ്തത് കോണ്‍ഗ്രസാണ്. തകര പോലെ മൂളച്ചുപൊന്തിയ ബി.ജെ.പി ദീര്‍ഘകാലം നിലനില്‍ക്കുകയില്ല. ദീര്‍ഘകാല നേട്ടങ്ങളും അവരില്‍ നിന്നു പ്രതീക്ഷിക്കേണ്ടതില്ല. അതിനാല്‍ കോണ്‍ഗ്രസ് പ്രവര്‍ത്തകര്‍ വര്‍ദ്ധിത വീര്യത്തോടെ കോണ്‍ഗ്രസിന്റെ ജനാധിപത്യ മതേതര ആശയങ്ങള്‍ക്ക് പ്രചാരകരാകണം.
പ്രവാസികള്‍ അനുഭവിക്കുന്ന പ്രശ്‌നങ്ങള്‍ താന്‍ നേരില്‍ കണ്ടുവെന്നും അവയ്ക്ക് പരിഹാരത്തിനായി താന്‍ എക്കാലവും മുന്നിലുണ്ടാവുമെന്നും അവര്‍ ഉറപ്പു നല്‍കി. ഇവിടെ കഷ്ടപ്പെട്ട് ഉണ്ടാക്കുന്ന പണം ഉപയോഗിച്ച് നാട്ടില്‍ സ്ഥലവും വീടുമൊക്കെ വെച്ചാല്‍ ചില്പപോള്‍ അവിടെ കയറിച്ചെല്ലാന്‍ പോലും പറ്റാത്ത സ്ഥിതി വരുന്നുണ്ട്. സ്വന്തമായി പണികഴിപ്പിച്ച വീട്ടില്‍ കാലുകുത്താന്‍ പറ്റാതെ ഹോട്ടലില്‍ മാസങ്ങളോളം മുറിയെടുത്തു താമസിക്കേണ്ടി വന്നവര്‍ക്കുവേണ്ടി താന്‍ കേസ് നടത്തിയിട്ടുണ്ട്. ഇത്തരം സ്ഥിതിഗതികള്‍ ആര്‍ക്കും ഉണ്ടാവരുത്. പ്രവാസികളുടെ ഉറ്റ മിത്രമായി തന്നേയും കരുതാം- അവര്‍ ഉറപ്പു നല്‍കി.
അമേരിക്കയുടെ വിവിധ നഗരങ്ങളില്‍ റിപ്പബ്ലിക് ദിനാഘോഷത്തില്‍ താന്‍ പങ്കെടുക്കുകയുണ്ടായി. നാട്ടില്‍ കാണാത്ത ആവേശവും രാഷ്ട്ര ഭക്തിയുമാണ് താന്‍ കണ്ടത്. അതിനു നേതൃത്വം കൊടുത്ത ഐ.എന്‍.ഒ.സി നേതാക്കളെ അവര്‍ അഭിനന്ദിക്കുകയും തന്റെ സന്ദര്‍ശനത്തിനു വഴിയൊരുക്കിയതിനു നന്ദി പറയുകയും ചെയ്തു.
ഐ.എന്‍.ഒ.സിക്ക് വിവിധ ചാപ്റ്ററുകളുണ്ടെങ്കിലും കേരളാ ചാപ്റ്ററാണ് ഏറ്റവും മികവുറ്റതും, സജീവവുമെന്നു ദേശീയ ചെയര്‍ ശുദ്ധ് പ്രകാശ് സിംഗ് പറഞ്ഞു. കോണ്‍ഗ്രസ് ആശയങ്ങളില്‍ വിശ്വസിക്കുന്നവരെല്ലാം ഒറ്റക്കെട്ടായി നില്‍ക്കണമെന്നും അദ്ദേഹം അഭ്യര്‍ത്ഥിച്ചു.
കോണ്‍ഗ്രസിന്റെ കീഴില്‍ ഇന്ത്യ കൈവരിച്ച നേട്ടങ്ങള്‍ കേരള ചാപ്റ്റര്‍ ദേശീയ ചെയര്‍ കളത്തില്‍ വര്‍ഗീസ് ചൂണ്ടിക്കാട്ടി. ഇന്ത്യയെ ഒന്നായി കാണാനും മുന്നോട്ടു നയിക്കാനും കോണ്‍ഗ്രസിനേ കഴിയൂ എന്നദ്ദേഹം ചൂണ്ടിക്കാട്ടി.
കേരള ചാപ്റ്ററിന്റെ മികവുറ്റ പ്രവര്‍ത്തനങ്ങള്‍ അമേരിക്കയിലെ വിവിധ സ്റ്റേറ്റുകളില്‍ നടക്കുന്നുണ്ടെന്നും, ന്യൂയോര്‍ക്ക്- ന്യൂജേഴ്‌സി മേഖലയിലെ ഈ സമ്മേളനം വന്‍ വിജയമാക്കിയ ന്യൂയോര്‍ക്ക് ചാപ്റ്റര്‍ പ്രസിഡന്റ് ജോയി ഇട്ടനും സഹപ്രവര്‍ത്തകരും അഭിനന്ദനം അര്‍ഹിക്കുന്നുവെന്നും കേരള ചാപ്റ്റര്‍ പ്രസിഡന്റ് ജോബി ജോര്‍ജ് പറഞ്ഞു.
മഞ്ഞും തണുപ്പും അവഗണിച്ച് മുന്നൂറില്‍പ്പരം പേര്‍ ഇവിടെ ഒത്തുകൂടിയത് കോണ്‍ഗ്രസിന്റെ ആശയങ്ങളോടുള്ള പ്രതിബദ്ധതയാണ് കാണിക്കുന്നതെന്ന് ന്യൂയോര്‍ക്ക് ചാപ്റ്റര്‍ പ്രസിഡന്റ് ജോയി ഇട്ടന് പറഞ്ഞു. സമ്മേളത്തിന് എത്തിയവരെ അദ്ദേഹം സ്വാഗതം ചെയ്തു.
ന്യൂയോര്‍ക്ക് സ്റ്റേറ്റ് സെനറ്റര്‍ ആന്‍ഡ്രിയ സ്റ്റുവര്‍ട്ട് കസിന്‍സ്, അസംബ്ലി വുമണ്‍ ഷെല്ലി മേയര്‍ എന്നിവര്‍ ഇന്ത്യയുടെ ജനാധിപത്യ പ്രക്രിയയേയും ഇന്ത്യന്‍ അമേരിക്കക്കാരുടെ സേവനങ്ങളേയും ശ്ശാഘിച്ചു. ഇന്ത്യ- അമേരിക്ക ബന്ധം ശക്തിപ്പെടേണ്ടത് കാലഘട്ടത്തിന്റെ ആവശ്യമാണെന്നും അവര്‍ ചൂണ്ടിക്കട്ടി. സെനറ്റിന്റെ പ്രൊക്ലമേഷന് സെനറ്റര്‍ ആന്‍ഡ്രിയ സ്റ്റുവര്‍ട്ട് കസിന്‍സ്, ജോയി ഇട്ടന് കൈമാറി. മികച്ച സമ്മേളനം നടത്തിയ സംഘാടകരെ റോക്ക്‌ലാന്റ് ലെജിസ്ലേറ്റര്‍ ഡോ. ആനി പോള്‍ അഭിനന്ദിച്ചു.
ഇന്ത്യ കൈവരിച്ച നേട്ടങ്ങള്‍ ഒന്നര വര്‍ഷം മുമ്പ് അധികാരത്തില്‍ വന്ന പാര്‍ട്ടിയുടേയും നേതാവിന്റേയും മിടുക്കുകൊണ്ടാണെന്നു പറഞ്ഞാല്‍ വിശ്വസിക്കാന്‍ ആളുണ്ടാവില്ലെന്നു ആമുഖ പ്രസംഗം നടത്തിയ ന്യൂയോര്‍ക്ക് ചാപ്റ്റര്‍ വൈസ് പ്രസിഡന്റ് വര്‍ഗീസ് ജോസഫ് ചൂണ്ടിക്കാട്ടി.
ഷീല ആലപ്പാട്ടിന്റെ വന്ദേമാതര ആലാപനത്തോടെയാണ് പരിപാടികള്‍ തുടങ്ങിയത്. ലൈസി അലക്‌സ്, നിക്കോള്‍ അലക്‌സ് എന്നിവരായിരുന്നു എം.സിമാര്‍.
നാട്യമുദ്ര സ്കൂളിലെ കുട്ടികള്‍ അവതരിപ്പിച്ച നൃത്തപരിപാടികള്‍ ഹൃദയാവര്‍ജകമായി.
സെക്രട്ടറി വര്‍ഗീസ് ജോസഫ്, ട്രഷറര്‍ ശ്രീകുമാര്‍ ഉണ്ണിത്താന്‍, വൈസ് പ്രസിഡന്റ്മാരായ വര്‍ഗീസ് രാജന്‍, ലൈസി അലക്‌സ്, ജോയിന്റ് സെക്രട്ടറി ഫിലിപ്പ് ചാക്കോ,ജോയിന്റ്ട്രഷറര്‍എബ്രഹാം പുത്തന്‍ശേരില്‍, കേരള കേരളാ ചാപ്റ്റര്‍ ട്രഷറര്‍ സജി എബ്രഹാം , ജോയിന്റ് ട്രഷറര്‍ റവ.ഡോയ വര്‍ഗീസ് രിജണല്‍ ഭാരവാഹികള്‍ അയ ചാക്കോ കൊയികലെത്തു, ഗണേഷ് നായര്‍ കണ്‍വീനര്‍ മാരായ ജോണ്‍ ഗ മാത്യു (ബോബി), ഷാജി ആലപ്പാട്ട് , തോമസ് ജോണ്‍, ആന്റോ വര്‍ക്കി, ലിജോ ജോണ്‍, രാജന്‍ ടി ജേക്കബ്, സജി മറ്റമന, ലീന ആലപ്പാട്ട്, ഷീല ചെറു , സുരേന്ദ്രന്‍ നായര്‍, അലക്‌സ് എബ്രഹാം, ഷൈനി ഷാജന്‍ , രാജ് തോമസ്, ബാബു തുമ്പയില്‍ ,പൗലോസ് വര്‍ക്കി , എന്നിവര്‍ നേത്രുത്വം നല്‍കി.
Comments
Our Sponsor
1 USD=
Warning: file_get_contents(https://www.google.com/finance/converter?a=1&from=USD&to=INR): failed to open stream: HTTP request failed! HTTP/1.0 404 Not Found
in /home/joyche5/public_html/adv-sidebar.php on line 211
0 INR
