ലണ്ടന്: യുകെയിലെ കോതനല്ലൂര് നിവാസികളുടെ സംഗമം സെപ്റ്റംബര് 18 മുതല് 20 വരെ മാല്വെണിലെ ഹൈബോള് കണ്ട്രി സെന്ററില് നടക്കും. യുകെയുടെ പല ഭാഗങ്ങളിലായുള്ള നൂറോളം വരുന്ന കുടുംബങ്ങള് സംഗമ പരിപാടിക്ക് എത്തിച്ചേരുമെന്നാണു സംഘാടകരുടെ കണക്കുകൂട്ടല്.
18 നു (വെള്ളി) വൈകുന്നേരം ആറിനു ഒത്തുകൂടി 20 നു (ഞായര്) വൈകുന്നേരത്തോടെ അവസാനിക്കുന്ന വിധത്തിലാണു പരിപാടികള് ക്രമീകരിച്ചിരിക്കുന്നത്.
വെള്ളിയാഴ്ച രാത്രി ഡിജെ ഡാന്സ് പെര്ഫൊമന്സും ശനിയാഴ്ചത്തെ കലാപരിപാടികളും ഗെയിമുകളും ഔട്ട്ഡോര് എന്റര്ടെയിന്മെന്റുമെല്ലാം മികച്ച അനുഭവം ആയിരിക്കും.
മാത്യു പുളിയോരത്തിന്റെയും സന്തോഷ് ചെറിയാന്റെയും നേതൃത്വത്തില് പ്രവര്ത്തിക്കുന്ന മുപ്പതംഗ കമ്മിറ്റിയാണു പരിപാടികള്ക്കു നേതൃത്വം നല്കുന്നത്. കോതനല്ലൂരില്നിന്നോ പരിസര പ്രദേശങ്ങളില്നിന്നോ യുകെയിലേക്ക് കുടിയേറിയവര്ക്കും ഇവിടെനിന്നു വിവാഹം കഴിച്ചു പോയവര്ക്കും പരിപാടികളില് പങ്കെടുക്കാം.
വിവരങ്ങള്ക്ക്: മാത്യു പുളിയോരം 07807226696, സന്തോഷ് ചെറിയാന് 07403856510, ബിന്സി റോജി 07737979440, ജിന്റോ മാത്യു 07792870155.
റിപ്പോര്ട്ട്: സാബു ചുണ്ടക്കാട്ടില്
Comments